❯
❮
پێشبینیی دەکرێت لە ئێران 2.6 ملیۆن تۆن چەوەندەر بەرهەم بهێندرێت
پێشبینیی دەکرێت لە ئێران 2.6 ملیۆن تۆن چەوەندەر بەرهەم بهێندرێت
سەید محەمەد بەرزنجی
حوسێن ئەسغەری، بەڕێوەبەری دامەزراوەی بەرهەمە پیشەسازییەکانی وەزارەتی کشتوکاڵی ئێران، ڕایگەیاند کە بۆ ئەمساڵ ڕووبەری زەویی تەرخانکراو بۆ چاندنی چەوەندەر زیاد کراوە و پێشبینی دەکرێت نزیکەی 2.6 ملیۆن تۆن چەوەندەر لە سەرانسەری پارێزگاکانی وڵاتەکەدا بەرهەم بهێندرێت. ناوبراو ئاشکراشی کرد کە لەم بڕە چەوەندەرە، چاوەڕوان دەکرێت لەنێوان 320 بۆ 340 هەزار تۆن شەکر لە کارگە و یەکە پیشەسازییەکاندا بەرهەم بهێندرێت.
ئەمساڵ لە ئێران 60 هەزار هێکتار زەوی بۆ چاندنی چەوەندەر تەرخان کراوە بە بەراورد بە ساڵی پار، پێنج هەزار هێکتار زەوی زیاتر بۆ ئەم بەرهەمە تەرخان کراوە ئەو پارێزگایانەی کە بڕی بەرهەمهێنانی چەوەندەریان تێدا زیاد کراوە بریتین لە گوڵستان، کرماشان، ئیلام، بوشەهر، ئەردەبیل و لۆڕستان جێی باسە، پارێزگای ورمێ لە ڕۆژهەڵاتی کوردستان ڕۆڵێکی یەکجار گرنگ لە بەرهەمهێنانی چەوەندەری ئێراندا دەگێڕێت بە تەنها خاوەنی 30 هەزار هێکتار زەویی تایبەت بە چاندنی چەوەندەرە بەپێی ئامارەکانی پێشووتری دامەزراوەی کشتوکاڵیی پارێزگاکە زیاتر لە 30%ی کۆی چەوەندەری ئێران لە زەوییە کشتوکاڵییەکانی پارێزگای ورمێدا بەرهەمدەهێنرێت.
زیاتر ببینە...
ID: 21 | Date: 2025-10-26 08:14:51
❯
❮
پەمۆ بخەنە گوێتان
پەمو ( لۆکە ) بخەنە گوێتان ….
خوشک و برایانم کاندیدانی لیستی ٢٧٥ ی پارتیمان لەکەرکوک ماوەیەکە بەمەبەست و بەپیلانی ناحەزان و دوژمنانی گەلەکەمان پارتیمان و کاندیدانی لەکەرکوک بەئامانج دەگیرێن ، ئەو هەوڵانە نیشانەی کاریگەری جمجوڵەکانی ئێوەی خۆشەویست و کادرە دڵسۆزەکانمانە لەسنوری پارێزگای کەرکوک ، ئەو هەوڵانە ترسە لە بەردەوامی دەسکەوتەکانی ئێمە لەماوەی چوار ساڵی رابردوو لە پێناو کەرکوک و ئاسایی کردنەوەی دۆخی شارەکە ، دڵنیابن بێ دەنگی ئێوەو بەردەوامیتان بۆ سەرخستنی کوردو پارتی لە شارەکە گەورەترین وەڵامە بۆ نەیارانی گەلەکەمان .
دکتۆر شاخەوان عبداللە
سەرۆکی لیستی ٢٧٥ ی پارتیمان لە کەرکوک
زیاتر ببینە...
ID: 20 | Date: 2025-10-24 11:04:17
❯
❮
بەرەی گەل: بەهۆی گرفتە دارایی و ئەمنییەوە بانگەشەی هەڵبژاردن ناکەین
بەرەی گەل: بەهۆی گرفتە دارایی و ئەمنییەوە بانگەشەی هەڵبژاردن ناکەین
سەید محەمەد بەرزنجی
بانگەشەی هەڵبژاردن بۆ کاندیدانی "بەرەی گەل" تۆڕە کۆمەڵایەتییەکانی تێنەپەڕاندووە، هەڵسووڕاوێکی بەرەکە دەڵێت، "گوشاری ئەمنیمان لەسەرە و پارەمان نییە بۆ بانگەشەی هەڵبژاردن ".
ئەمڕۆ شەممە 11ی تشرینی یەکەمی 2025 شادمان مەلا حەسەن، هەڵسووڕاوی "بەرەی گەل" لە لێدوانێکدا ڕاگەیاند، کاندیدانی لیستی "بەرەی گەل" بەهۆی کێشەی دارایییەوە ناتوانن بانگەشە بکەن، چونکە حیزب هیچ پارەیەکی نییە بۆ بانگەشەی هەڵبژاردن."
ئەمە لە کاتێکدایە لاهوور شێخ جەنگی سەرۆکی "بەرەی گەل" نزیکەی دوو مانگە لەلایەن هێزە ئەمنییەکانی سلێمانییەوە دەستبەسەرە..
بەرەی گەل لەدوای دەستبەسەرکردنی لاهوور شێخ جەنگییەوە، چەند جارێک باسی لە گوشاری ئەمنی بۆسەر لایەنگر و هەڵسووڕاوانی کردووە، شادمان مەلا حەسەن لەبارەی ئەو گوشارانەوە گوتویەتی، "تاوەکو ئێستا بەردەوامن و لایەنگران ناتوانن بانگەشە بکەن."
هەڵسووڕاوەکەی بەرەی گەل ئاماژەی بەوەش كردوە، گوشارە ئەمنییەکان لە سنووری پارێزگاکانی سلێمانی و هەڵەبجەن، رۆژانە لەلایەن هێزە ئەمنییەکانەوە ئەو کەسانە بانگهێشت دەکرێن کە بانگەشە بۆ بەرەی گەل دەکەن و لێکۆڵینەوەیان لەگەڵ دەکرێت. گوتیشی، "لە سنووری کەرکووک گوشار لە کاندیدان و لایەنگرانمان دەکرێت
زیاتر ببینە...
ID: 19 | Date: 2025-10-11 09:19:15
❯
❮
ئەمەریکا پاداشتێکی 15 ملیۆن دۆلاری بۆ دەستگیرکردنی دوو ئێرانی تەرخان کرد
ئەمەریکا پاداشتێکی 15 ملیۆن دۆلاری بۆ دەستگیرکردنی دوو ئێرانی تەرخان کرد
سەید محەمەد بەرزنجی
ئەمڕۆ شەممە، 11ـی تشرینی یەکەمی 2025، وەزارەتی دەرەوەی ئەمەریکا بڕیاریدا بە دابینکردنی پاداشتێکی 15 ملیۆن دۆلاری بۆ ئەو کەسەی زانیاری لەسەر دوو کەسایەتی ئێرانی بە ناوەکانی "مەجید نیلی و مەهدی فەرشچی، چالاکییەکانی کۆمپانیای بازرگانی 'بێهژول پارس' بدات.
وەزارەتی دەرەوەی ئەمەریکا لە پلاتفۆرمی 'ئێکس' ڕایگەیاند، "مەجید نیلی و مەهدی فەرشچی لە ڕێگەی ئەم کۆمپانیایەوە هەوڵیان داوە بە شێوەیەکی نایاسایی تەکنەلۆژیا و کەرەستەی گرنگی پێویست بۆ کەرتی سەربازی ئێران، لەوانەش سوپای پاسداران بەدەستبهێنن.
بەرنامەی پاداشتی ئەمەریکا داوای کردووە هەرکەس هەر زانیارییەکیان لەسەر نیلی وفەرشچی یان چالاکییە داراییەکانی کۆمپانیای بێژول پارس هەبوو، پەیوەندی بە بەرنامەکەوە بکەن.
وەزارەتی گەنجینەی ئەمەریکا لە 30 تەممووزی ڕابردوودا گەورەترین پاکێجی سزاکانی بەسەر زیاتر لە 100 کەس و قەوارەی ئێرانی و کەشتییەکی نەوت هەڵگری سەر بە حوسێن شەمخانی کوڕی عەلی شەمخانی ڕاوێژکاری سیاسی ڕێبەری ئێراندا سەپاند.
هەروەها ئێران چەندین جار ئیدانەی سەپاندنی سزاکانی ئەمەریکای کردووە و جەختی کردووەتەوە، کە ئەوان لە پەرەپێدانی بەرنامە ئەتۆمی و مووشەکییەکانی ناوەستن و هەروەها بازرگانی نەوتیش ڕاناگرن.
زیاتر ببینە...
ID: 18 | Date: 2025-10-11 08:39:32
❯
❮
نرخی زێڕ بەرەوکوێ رەڕوات؟
مسقاڵێک زێڕی عەیار 21 نرخەکەی 10 هەزار دیناری تریش بەرزبووەوە
سەید محەمەد بەرزنجی
ئەمڕۆ نرخی مسقاڵێک زێڕی عەیار 21 بەراورد بە دوێنێ 10 هەزار دینار بەرزبووەوە.
نرخی مسقاڵێک زێڕی عەیار 21 ئەمڕۆ بە 825 هەزار دینارە.
دوێنێ نرخی یەک مسقاڵ زێڕی عەیار 21 بە 815 هەزار دینار بوو.
بەگوێرەی سەندیکای زێڕنگرانی هەولێر، عەیار 22 بە 865 هەزار دینار و عەیاری 18 بە 707 هەزار دینار دەفرۆشرێت.
ئەوەش لە کاتێکدایە، نرخی ئۆنسەیەک زێڕ لە بازاڕەکانی جیهاندا بە چوار هەزار و 16 دۆلار مامەڵەی پێوەدەکرێت.
بەرزبوونەوەی زێڕ دوای ئەوە هات، دۆناڵد ترەمپ، سەرۆکی ئەمریکا گوتی، بە رێژەی 100% پێناسی گومرکی بەسەر چین دا دەسەپێنێت.
زیاتر ببینە...
ID: 17 | Date: 2025-10-11 08:25:31
❯
❮
ڕێکخراوی تەندروستیی جیهانی شەپۆلێکی نوێی ئالوودەبوون رادەگەیێنێت
سەید محەمەد بەرزنجی
رێکخراوی تەندروستیی جیهانی شەپۆلێکی نوێی ئالوودەبوون رادەگەیێنێت و دەڵێت، لە جیهاندا 15 ملیۆن منداڵ ڤەیپ دەکێشن.
رێکخراوی تەندروستیی جیهانی (WHO) هۆشدارییەکی تووندی لەبارەی جگەرە ئەلیکترۆنییەکانەوە بڵاوکردۆتەوە دەڵێت: ''شەپۆلێکی نوێ و مەترسیدار بۆ ئالوودەبوون بە نیکۆتین لەنێو هەرزەکاراندا بونی هەیە کە بووەتە هۆی ئالوودەبوونی ملیۆنان منداڵ لە جیهاندا.
رێکخراوەکە لە نوێترین راپۆرتیدا رایگەیاند، لەو وڵاتانەی کە داتای وردیان بەردەستە، دەرکەوتووە منداڵان بە تێکڕا نۆ هێندەی کەسانی پێگەیشتوو ئەگەری بەکارهێنانی ڤەیپیان هەیە، ئەمەش ئاماژەیەکی روونە بۆ ئەوەی کە ئەم بەرهەمانە بە شێوەیەکی سەرەکی هەرزەکاران دەکەنە ئامانج.
ئاژانسە تەندروستیەکە رایگەیاند، پیشەسازیی تووتن و نیکۆتین بەردەوام بانگەشە بۆ ڤەیپ دەکات وەکو جێگرەوەیەک بۆ جگەرەی ئاسایی کە زیانی کەمترە، بەڵام لە راستیدا ئەمە تەنیا تاکتیکێکە بۆ راکێشانی نەوەیەکی نوێ و ئالوودەکردنی منداڵان بە نیکۆتین.
یەکەم خەمڵاندنی ڕێکخراوی تەندروستیی جیهانی دەریدەخات، زیاتر لە 100 ملیۆن کەس لە جیهاندا ڤەیپ بەکاردەهێنن. ئاژانسەکە ئەم ئامارەی بە " نیگەرانییەکی قووڵ" وەسف کرد. بەپێی ئامارەکە نزیکەی 86 ملیۆن بەکارهینەری ڤەیپ کەسی پێگەیشتوو لەخۆدەگرێت، کە زۆربەیان لە وڵاتانی خاوەن داهاتی بەرزدان، لەگەڵ نزیکەی 15 ملیۆن منداڵی تەمەن 13 بۆ 15 ساڵ.
زیاتر ببینە...
ID: 16 | Date: 2025-10-09 13:09:29
