‎زانکۆی دایک لەسەر ئاستی زانکۆکانی عێراق لە پلەی یەکەمدایە
‎بەگوێرەی دامەزراوەی تایمزی بەریتانی زانکۆی سلێمانی کە بە زانکۆی دایکیش بەناوبانگە، بۆ جاری دووەم و لەسەر یەک پلەی یەکەم لەسەر ئاستی زانکۆکانی سەرتاسەری عێراق بەدەستهێناوە.

رۆژنامەنووس ،،ئەژین مەحمود،،

‎ ئەمڕۆ پێنجشەممە، د. کۆسار محەمەدی سەرۆکی زانکۆی سلێمانی رایگەیاند؛ زانکۆکەیان بۆ جاری دوەم لەسەر یەک پلەی یەکەمی بەدەستهێناوە و لە ریزبەندی 2191 زانکۆشدا لە پلەی (1001 بۆ1220)یی ڕیزبەندی زانکۆکانی جیهاندایە بە گوێرەی دامەزراوەی تایمزی بەریتانی.
لە بارەی ئەم دەستکەوتەوە ئاماژەیان بەوەکردوە؛  زانکۆی سلێمانی ئەم سەرکەوتنە بە شانازی بۆ مامۆستایان و فەرمانبەران و خوێندکاران و شاری سلێمانی و تەواوی هەریمی کوردستان دەزانێت.